【2023年8月經安老院一站通轉介，入住觀塘區一私營護老院】
「我老公扭親隻腳、碎咗骨，喺醫院卧床差唔多3個月，出院後變得行動唔方便，如果要我全天候顧佢，我諗我體力都唔得。」
即將75歲的盛先生，於今年年中因腳傷引致碎骨，需住醫院將近三個月，全程卧床休息，令他行動能力大不如前。及至出院時，在情急下經醫院社工申請入住黃大仙區一所護老院作過渡期。雖然只是短短42天，「但護老院同屋企嘅位置都較為隔涉，我去要搭兩程車，返嚟又要兩程車，其實都好疲累，好頻撲……」盛太無奈地說。
有天，盛太與友人傾訴當前的難題，「我朋友佢俾咗安老院一站通電話我，再認識張姑娘，翌日佢已經約我，直情帶我去睇護老院環境。我都好彩啦，張姑娘幫我搵到間院同我住嗰座樓好近」盛太懷著感恩之心，但亦表示因丈夫久未活動，膝頭無力需接受步行訓練，「喺呢啲地方(護老院)，我又覺得有姑娘可以幫到佢，亦都幫到我啦！」
現時，盛太與囡囡每天前來探望。「正因呢度近屋企，可以帶佢返去hea吓、望吓、聞吓屋企陣除或者出去飲吓茶……如果之前喺黃大仙嗰邊嘅話，每次帶佢返屋企都要搭的士，對我哋嚟講真係『好重皮』。」此時，連盛先生都打破沉默加入了對話：「屋企附近有個平台以前成日去，太耐冇去啦，佢(太太)就可以推我四圍行下囉」。盛太對護老院位置及環境非常滿意，並再次感謝安老院一站通及張姑娘幫忙解決燃眉之急，亦希望丈夫能夠慢慢把雙腳訓練好，一直健康下去。
後記：盛太於訪問期間多次感激及表示自己幸運地遇到張姑娘及安老院一站通，於短時間內能為丈夫安排到一間環境友善的護老院。除此之外，囡囡更向筆者笑言：「爸爸今日因為妳喺度，先肯用四腳步行架練習，平時佢只肯用普通拐扙作輔助做訓練，好難先叫得聽。」能夠見證盛先生得到適切照顧，盛太與囡囡也能如常陪伴相處，作為安老院一站通同工都感到安心。