【2024年8月經安老院一站通轉介，入住深水埗區一私營護老院】

「舊護老院年年加院費，幾年夾埋都加到成萬蚊，負擔太重啦……宜家過咗嚟新院，租金每個月平咗一千蚊之餘，姑娘同服務都好好，最重要係佢住得開心。」– 前妻陳女士



黃先生早在十四年前，因突發腦中風需接受開腦手術，手術完成後一度險成植物人。幸好，黃先生其後能夠醒來，「但佢自己照顧唔到自己啦，所以就要住護老院，佢喺護老院都住咗十幾年㗎啦，我都花咗四年時間同佢做物理治療，先訓練返佢嘅活動能力；不過，當初佢住開嗰間護老院係我自己幫佢搵嘅，見嗰度活動空間好寬敞先揀……但租金好貴，自一九年開始，每年都加院費，每個月我要額外俾多千幾蚊出嚟，服務又唔係幾好，好似冇人理佢咁，令佢住得唔開心!」前妻陳女士感嘆地說。

由於舊護老院不斷加租，令陳女士經濟負擔變重之餘，亦眼見黃先生於舊護老院內生活不愉快，「有啲嘢我幫得到佢就幫啦，其他家人各有各忙，依家都係我睇住佢㗎啦，平時晚晚都打電話俾佢傾下偈，個個禮拜會探佢一次，有咩覆診都係我做佢監護人㗎啦。」有見及此，陳女士便萌生轉院念頭，主動聯絡社署社工，嘗試替黃先生物色另一所新護老院。

後來，陳女士透過社工介紹認識安老院一站通，「就係咁樣我搵到安老院一站通陳姑娘幫手，轉介嚟咗呢間新護老院」，並道﹕「陳姑娘好好，幫我哋喺金錢上慳咗，每個月都平咗千零蚊㗎；另外，呢度護老院啲姑娘同服務都好啲，知佢大小便唔係幾方便，佢去完就會即刻幫佢倒、洗乾淨，唔會一陣味；風扇、冷氣嘅溫度又啱啱好啦，唔會凍；同埋食飯時間，知佢行動唔好，啲姑娘都會扶佢出去。佢都住得幾習慣，總之佢就住得開心囉! 」陳女士及黃先生表示滿意。

後記﹕從陳女士口中得知，為了黃先生日常能有簡單的娛樂，她自費於房間內安裝了電視機解悶，亦知他愛吃水果，每星期更會帶同一大袋水果前來護老院探望。雖然，陳女士及黃先生婚後不久便離異，未能以夫妻關係走下去，但能以另一個身份繼續互相扶持及守護大家，是非常難得的情義，二人於訪談當天向筆者分享他們的往事，雙雙感觸落淚，筆者也很感動。